Kushtet e Përdorimit

Përditësuar: korrik 2026

Shërbimi

RexChats është një shërbim me abonim që automatizon përgjigjet dhe marrjen e porosive në Instagram Direct dhe Facebook Messenger për biznesin tuaj, me panel administrimi për porositë, stokun dhe dërgesat.

Abonimi dhe pagesa

Çmimet publikohen në faqen tonë; faturimi bëhet mujor, ose sipas marrëveshjes vjetore.
Nuk ka kontrata afatgjata: mund të anuloni në çdo kohë dhe abonimi mbetet aktiv deri në fund të periudhës së paguar.
Fatura ka një afat pagese. Nëse fatura nuk paguhet deri në afat, asistenti ndalet përkohësisht (nuk ka periudhë shtesë automatike), por të dhënat dhe porositë tuaja ruhen dhe asistenti riaktivizohet sapo pagesa të verifikohet.
Pasi bëni pagesën, mund të shënoni "Kam paguar" në panel; kjo e mban asistentin aktiv derisa ne ta verifikojmë transferin, zakonisht brenda një dite. Pagesa e vonuar e rinis periudhën nga data e pagesës së verifikuar.
Faturë fikse, kurrë surpriza: kalimi i limitit të bisedave nuk gjeneron kurrë kosto shtesë automatike, vetëm një njoftim për përmirësim të paketës.

Përgjegjësitë e biznesit

Të mbajë të përditësuar katalogun, çmimet dhe stokun në panel, sepse saktësia e përgjigjeve të AI-së varet nga këto të dhëna.
Të përdorë shërbimin në përputhje me politikat e platformave të Meta-s dhe ligjet në fuqi.

Përgjegjësitë tona

Ofrojmë shërbimin me kujdes profesional, me mbikëqyrje njerëzore të mundshme në çdo kohë (kalimi te stafi me një klik dhe ndalimi i AI-së me një prekje).
Kur AI nuk është e sigurt, nuk supozon: kërkon sqarim ose ia kalon bisedën stafit tuaj.
Nuk garantojmë rezultate specifike shitjesh; rezultatet varen nga produkti, çmimet dhe kërkesa e tregut.

Të dhënat

Përpunimi i të dhënave personale rregullohet nga Politika e Privatësisë. Të dhënat e biznesit tuaj dhe të klientëve tuaj mbeten tuajat: mund t'i eksportoni ose fshini me kërkesë.

Kontakti

Për çdo pyetje rreth këtyre kushteve: info@rexchats.net ose WhatsApp +383 49 214 632.

Përditësuar: korrik 2026.